Հույս ունեմ՝ ոչ միայն Ադրբեջանից ապրանքներ կներմուծենք, այլև Հայաստանից ապրանքներ կարտահանվեն Ադրբեջան․ Փաշինյան
05.03.2026,
13:44
Ըստ վարչապետի՝ տնտեսական օրակարգը վազանցում է քաղաքական օրակարգին
ԵՐԵՎԱՆ, 5 մարտի․/ԱՌԿԱ/․ Հույս ունեմ՝ հնարավորինս շուտ ոչ միայն Ադրբեջանից ապրանքներ կներմուծենք, այլև Հայաստանից ապրանքներ կարտահանվեն Ադրբեջան։
Այս մասին այսօր ճեպազրույցի ժամանակ հայտարարել է ՀՀ վարչապետ Նիկոլ Փաշինյանը։
«Օգոստոսի 8-ի (վաշինգտոնյան հռչակագրի ստորագրումը, խմբ․) իրադարձությունները բավարար դաշտ են բացել տնտեսական գործակցության համար և ուրախ եմ,, որ Հայաստանի և Ադրբեջանի միջև երկկողմ առևտրաշրջանառություն է ձևավորվում», - ասաց Փաշինյանը։
Ըստ վարչապետի՝ տնտեսական օրակարգը վազանցում է քաղաքական օրակարգին։
Նրա խոսքով՝ քաղաքական օրակարգերը նրա համար են, որպեսզի սպասարկեն տնտեսական օրակարգը։
