«Կանաչ տնտեսության» բնագավառի համաժողովը կանցկացվի սեպտեմբերի 28-ին Երևանում

ԵՐԵՎԱՆ, 5 սեպտեմբերի. /ԱՌԿԱ/. «Դեպի կանաչ տնտեսություն» համաժողովը կանցկացվի սեպտեմբերի 28-ին Երևանում, չորեքշաբթի լրագրողներին ասաց ՀՀ գործատուների հանրապետական միության նախագահ Գագիկ Մակարյանը:

«Անցկացվող համաժողովի նպատակն է աջակցել  հայրենակական  ձեռնարկատերերին շրջակա միջավայրի պահպանման հանդեպ նրանց գիտելիքների մակարդակը բարձրացնելու հարցում և ընդհանուր առմամբ «կանաչ տնտեսության» հասկացության մասին»,- ասաց Մակարյանը:

«Կանաչ տնտեսությունը» տնտեսական գիտության ուղվածություն է, որը ձևավորվել է վերջին երկու տասնամյակում և ուղղված է մարդկան բարեկեցության բարձրացմանը, սոցիալական արդարության ապահովմանն ու միաժամանակ շրջակա միջավայրի ռիսկերի նվազեցմանը:

Մակարյանը նշեց, որ համաժողովը կազմակերպված է Գործատուների հանրապետական միության հետ համատեղ ՀՀ բնապահպանության նախարարության, ՄԱԿ երևանյան գրասենյակի, ինչպես նաև Աշխատանքի միջազգային կազմակերպության կողմից:

Նա տեղեկացրեց նաև, որ համաժողովի ընթացքում կանցկացվի նաև Հայաստանի լավագույն ձեռնարկությունների մրցանակների հանձնման արարողությունը, որոնք ընտրվել են հուլիսի 17-ից օգոստոսի 25ն ընկած ժամանակահատվածում անցկացված  մրցույթի արդյունքում:

Մակարյանը նշեց, որ մրցույթին կարող էին մասնակցել ինչպես խոշոր, այնպես էլ փոքր և միջին ձեռնարկությունները ինչպես նաև բազմապրոֆիլային հոլդինգները:

«Մենք ցանկանում ենք լավագույն ձեռնարկատերերի օրինակով ներկայացնել այդ բնագավառում Հայաստանում առկա ներուժը, ինչպես նաև մատնանշել, թե ինչպիսի քայլեր են հարկավոր ձեռնարկել այդ ուղղությամբ»,- նշեց նա:

ՀՀ կառավարությունը 2008թ.-ին կայուն տնտեսական զարգացման նախագիծ է մշակել, որտեղ կարևոր տեղ է հատկացվել «կանաչ տնտեսությանը» և հանրապետության շրջակա միջավայրի պահպանմանը: -0-