ՀՀ խորհրդարանն առաջին ընթերցմամբ ընդունել է կառավարության վերակազմավորում նախատեսող օրինագիծը
11.11.2014,
13:50
ՀՀ խորհրդարանը երեքշաբթի առաջին ընթերցմամբ ընդունել է «Կառավարության կառուցվածքի մասին» օրենքի փոփոխությունները, որոնք նախատեսում են տարածքային կառավարման նախարարության և ԱԻՆ-ի միավորում, ինչպես նաև նոր՝ Միջազգային տնտեսական ինտեգրման և բարեփոխումների նախարարության ձևավորում:
ԵՐԵՎԱՆ, 11 նոյեմբերի. /ԱՌԿԱ/. ՀՀ խորհրդարանը երեքշաբթի առաջին ընթերցմամբ ընդունել է «Կառավարության կառուցվածքի մասին» օրենքի փոփոխությունները, որոնք նախատեսում են տարածքային կառավարման նախարարության և ԱԻՆ-ի միավորում, ինչպես նաև նոր՝ Միջազգային տնտեսական ինտեգրման և բարեփոխումների նախարարության ձևավորում:
Ինչպես օրինագծի քննարկման ընթացքում հայտարարեց ՀՀ արդարադատության նախարար Հովհաննես Մանուկյանը, կառավարության վերակազմավորումն ուղղված է կառավարման համակարգի արդյունավետության բարձրացմանը:
Նա նշեց, որ վերակազմավորումը լրացուցիչ ծախս չի պահանջի:
Տարածքային կառավարման նախարարի պաշտոնը թափուր է մնացել հոկտեմբերի կեսին փոխվարչապետի և տարածքային կառավարման նախարարի պաշտոններից Արմեն Գևորգյանի հեռանալուց հետո:
Այսօրվա դրությամբ Հայաստանում գործում է 18 նախարարություն:-0-
