Քննարկվել է Երևանի և Ադիս Աբեբայի միջև ուղիղ ավիաչվերթների կազմակերպման հարցը
19.11.2025,
10:55
Երևանի և Ադիս Աբեբայի միջև կարող են հաստատվել ուղիղ չվերթներ
ԵՐԵՎԱՆ, 19 նոյեմբեր․/ԱՌԿԱ/. Նախօրեին ՀՀ էկոնոմիկայի նախարար Գևորգ Պապոյանը Եթովպիայի Դաշնային Ժողովրդավարական Հանրապետության նորանշանակ արտակարգ և լիազոր դեսպան Գենետ Թեշոմե Ժիրուի հետ քննարկել է Երևանի և Ադիս Աբեբայի միջև ուղիղ ավիաչվերթների կազմակերպման հարցը։ Այս մասին հայտնում է Էկոնոմիկայի նախարարության մամուլի ծառայությունը։
Կողմերը քննարկել են առևտրատնտեսական հարաբերությունների ընդլայնման, ոսկերչության ոլորտում հնարավոր համագործակցության, գործարար համաժողովների կազմակերպման վերաբերյալ հարցեր։
Նախարարն անդրադարձել է նաև TRIPP և «Խաղաղության խաչմերուկ» նախաձեռնություններին՝ ընդգծելով դրանց կարևորությունը տարածաշրջանային տնտեսական համագործակցության և երկարաժամկետ խաղաղության համար։
