Ռուսաստանի և Հայաստանի միջև ապրանքաշրջանառությունը 2025թ․–ին կկրճատվի մինչև 6 մլր դոլար․ Օվերչուկ
ԵՐԵՎԱՆ, 12 դեկտեմբերի․/ԱՌԿԱ/․ 2025 թվականին գրանցվում է ապրանքաշրջանառության անկում Ռուսաստանի Դաշնության և Հայաստանի միջև, լրագրողներին հայտարարել է ՌԴ փոխվարչապետ Ալեքսեյ Օվերչուկը։
«Եթե խոսենք անցյալ տարվա փոխադարձ ապրանքաշրջանառության մասին, ինչպես հիշում եք, մեր երկրների միջև ապրանքաշրջանառությունը կազմում էր $15.4 մլրդ։ Այս տարի, ակնհայտ է, որ այն կլինի նվազագույնը $6 մլրդ-ի մակարդակում, այսինքն՝ սա շատ նկատելի անկում է»,- Օվերչուկի խոսքերը մեջբերում է ՏԱՍՍ-ը։
Օվերչուկի խոսքով՝ ռուսական բիզնեսը զգուշությամբ է սկսել վերաբերվել Հայաստանի հետ աշխատանքին։
«Թեև ընդհանուր առմամբ մեր լավ կապերը պահպանվում են»,- նշել է նա։
ՌԴ փոխվարչապետը հայտարարել է նաև, որ ինչ-որ փուլում Հայաստանը պետք է վերջնականապես կողմնորոշվի ԵԱՏՄ-ի և ԵՄ-ի հարցում։
«Ինչ վերաբերում է Հայաստանի մերձեցմանը Եվրոպական միության հետ, ապա այդ մասին մենք բազմիցս խոսել ենք։ Մենք կարծում ենք, որ երկու ինտեգրացիոն միավորումներին միաժամանակ անդամակցելն անհամատեղելի է։ Եվ ինչ-որ փուլում Հայաստանի ժողովուրդը ստիպված կլինի կատարել համապատասխան ընտրություն։ Դա Հայաստանի ժողովրդի ընտրությունն է»,- ասել է Օվերչուկը։
Հայաստանի վիճակագրական կոմիտեի տվյալներով՝ Հայաստանի և Ռուսաստանի միջև 2025 թվականի 10 ամիսների ապրանքաշրջանառությունը կազմել է $5.72 մլրդ.՝ 2024 թվականի 10 ամիսների համեմատ կրճատվելով 47.8%-ով։ Ընդ որում, Հայաստանից արտահանումը նվազել է 9.2%-ով՝ կազմելով $2.38 մլրդ., իսկ Ռուսաստանից որպես արտահանող երկրից ներմուծումը կազմել է $3.48 մլրդ, անկումը՝ 58.3%։
