Հայաստանում ոսկերչական իրերի արտադրության ծավալը 2015 թ.–ի հունվար–ապրիլին նվազել է 7,7 տոկոսով և կազմել 3 667,4 մլն դրամ

ԵՐԵՎԱՆ, 2 հունիսի. /ԱՌԿԱ/. Հայաստանում ոսկերչական իրերի արտադրության ծավալը 2015 թ.–ի հունվար–ապրիլին կազմել է 3 667,4 մլն դրամ` 2014 թ.–ի նույն ժամանակահատվածի համեմատ նվազելով 7,7 տոկոսով, հաղորդում է ՀՀ ԱՎԾ–ն։

Միաժամանակ նշված ժամանակահատվածում արտադրվել է 305,9 կգ ոսկերչական զարդ` 2014 թ.–ի հունվար–ապրիլին արտադրված 307,9 կգ–ի դիմաց։

Հայաստանում ադամանդի արտադրության ծավալը հաշվետու ժամանակահատվածում կազմել է 16 532 կարատ` նախորդ տարվա նույն ժամանակահատվածի 21 031 կարատի փոխարեն։

Միաժամանակ թանկարժեք և կիսաթանկարժեք քարերի, թանկարժեք մետաղների և դրանցից պատրաստված իրերի արտահանումը հունվար–ապրիլին կազմել է մոտ 54,9 մլն դոլար (26,1 տոկոսի անկում), իսկ ներկրումը` 26,2 մլն դոլար (77,9 տոկոսի անկում)։ –0–