Անտոն Սիլուանովը հեռացվել է ԵԶԲ խորհրդում լիազոր ներկայացուցչի պաշտոնից

ԵՐԵՎԱՆ, 17 ապրիլի./ԱՌԿԱ/. ՌԴ վարչապետ Միխայիլ Միշուստինը ֆինանսների նախարար Սիլուանովին ազատել է Եվրասիական զարգացման բանկի խորհրդում երկրի լիազոր ներկայացուցչի պաշտոնից։ Համապատասխան հրամանագիրը հրապարակվել է իրավական տեղեկատվության ինտերնետային պորտալում, հայտնում է ՌԲԿ-ն։

Սիլուանովը հեռացվել է պաշտոնը «միջազգային հարաբերություններում տեղի ունեցող խորը փոփոխությունների կապակցությամբ», ասվում է փաստաթղթում։

Սիլուանովը Եվրասիական զարգացման բանկի խորհրդում Ռուսաստանի լիազոր ներկայացուցիչն էր 2012 թվականի սեպտեմբերից։ Այս պաշտոնում նա փոխարինել է ֆինանսների փոխնախարար Սերգեյ Ստորչակին։
Եվրասիական զարգացման բանկը (ԵԶԲ) միջազգային ֆինանսական հաստատություն է, որը հիմնադրվել է 2006 թվականին Ռուսաստանի և Ղազախստանի կողմից։ Նրա կենտրոնակայանը գտնվում է Ալմաթիում։ Բանկը ներդրումային գործունեություն է ծավալում եվրասիական տարածքում՝ հիմնականում տրանսպորտային ենթակառուցվածքների, թվային համակարգերի, կանաչ էներգետիկայի, գյուղատնտեսության, արդյունաբերության և մեքենաշինության ոլորտներում։ Կազմակերպության մեջ են ներառված են Հայաստանը, Բելառուսը, Ղազախստանը, Ռուսաստանը, Ղրղըզստանը և Տաջիկստանը։ ԵԱԶԲ-ի հայտարարագրված կապիտալը կազմում է 7 մլրդ դոլար։

2023 թվականի հունվարին Եվրասիական զարգացման բանկի խորհուրդը միաձայն հաստատել է կանոնադրական կապիտալի վերաբաշխումը անդամ երկրների միջև։ Ռուսաստանը իր մասնաբաժինը 65,9%-ից նվազեցրեց 44,7%-ի։ Արդյունքում, մասնակից երկրներից ոչ մեկը չստացավ վերահսկիչ փաթեթ:

Bloomberg-ն ավելի վաղ հայտնել էր, որ Ռուսաստանը և Բելառուսը ցանկանում են նվազեցնել իրենց ընդհանուր մասնաբաժինը 50%-ից ցածր։ Այժմ Մինսկին է պատկանում ընդամենը 5,2 տոկոսը։ Դա արվել է, որպեսզի ԵԶԲ-ն չհայտնվի Ուկրաինայում ռազմական օպերացիայի մեկնարկից հետո Ռուսաստանի և Բելառուսի դեմ սահմանված եվրոպական պատժամիջոցների տակ, պնդում է գործակալությունը։-0-