5 բալ ուժգնության երկրաշարժ է գրանցվել Վրաստանում, ցնցումները զգացվել են նաև Հայաստանում

ԵՐԵՎԱՆ, 29 նոյեմբերի. /ԱՌԿԱ/. Նախօրեին տեղական ժամանակով ժամը 23։14–ին Սեյսմիկ պաշտպանության ծառայությունում հաղորդում է ստացվել այն մասին, որ Վրաստանի տարածքում Գուրջանիից 20 կիլոմետր դեպի արևելք գրանցվել է 3.5 մագնիտուդով երկրաշարժ, ասվում է Հայաստանի ԱԻՆ կայքում։

Երկրաշարժի հիպոկենտրոնը գտնվում է 10 կիլոմետր խորության վրա, ցնցման ուժգնությունն էպիկենտրոնի գոտում կազմել է 5 բալ։

3 բալ ուժգնության երկրաշարժ է զգացվել նաև Իջևան և Նոյեմբերյան հայկական քաղաքներում։

Վրաստանի ՆԳՆ ԱԻ դեպարտամենտից ստացված հաղորդմամբ` ավերածություններ, զոհեր և տուժածներ չկան։ -0-