Գիշերը զորամասի պահպանության տեղամասում պայմանագրային զինծառայող է մահացել
03.07.2024,
12:50
Դեպքի հանգամանքներն ամբողջովին պարզելու նպատակով ընթանում է քննություն
ԵՐԵՎԱՆ, 3 հուլիսի․/ԱՌԿԱ/․ Հուլիսի 3-ին՝ ժամը 00:45-ի սահմաններում, ՊՆ N զորամասի պահպանության տեղամասում, դեռևս չպարզված հանգամանքներում կյանքի հետ անհամատեղելի հրազենային վնասվածք է ստացել պայմանագրային զինծառայող Սարգիս Արթուրի Խաչատրյանը, հաղորդում է ՀՀ ՊՆ–ն։
Դեպքի հանգամանքներն ամբողջովին պարզելու նպատակով ընթանում է քննություն:
Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին և ծառայակից ընկերներին:
