Տավուշում հակառակորդի կրակից պայմանագրային զինծառայող է վիրավորվել
30.04.2019,
16:27
Տավուշում հակառակորդի կրակից զինծառայող է վիրավորվել. շուտով ուղղաթիռով կտեղափոխվի Երևան։
ԵՐԵՎԱՆ, 30 ապրիլի./ԱՌԿԱ/. Այսօր Տավուշում հակառակորդի կրակից պայմանագրային զինծառայող է վիրավորվել։
Այս մասին Facebook-յան իր էջում տեղեկացրել է ՀՀ պաշտպանության նախարարության մամուլի քարտուղար Արծրուն Հովհաննիսյանը։
«Այսօր Տավուշում հակառակորդի կրակից վիրավորված պայմանագրային զինծառայողի վիճակը ծանր կայուն է, վիրավորում է ստացել գլխի շրջանում, շուտով ուղղաթիռով կտեղափոխվի Երևան», – հայտնել է Հովհաննիսյանը։
Հիշեցնենք, որ նախօրեին հակառակորդը կրակել է Տավուշի մարզի Բաղանիս գյուղի ճանապարհի ուղղությամբ: Ինչպես հայտնել էր Հովհաննիսյանը, ադրբեջանական կողմը կրակ է բացել հայկական դիրքերի ուղղությամբ, որևէ վնաս չի պատճառվել։–0–
