ԱԻՆ. Իտալիայի երկրաշարժի զոհերի թվում ազգությամբ հայերի կամ ՀՀ քաղաքացիների մասին տեղեկատվություն չկա

ԵՐԵՎԱՆ, 25 օգոստոսի. /ԱՌԿԱ/. Իտալիայում գրանցված երկրաշարժի զոհերի կամ տուժածների թվում ազգությամբ հայերի կամ ՀՀ քաղաքացիների մասին տեղեկատվություն չկա, հաղորդում է ՀՀ ԱԻՆ մամուլի ծառայությունը։

Գերատեսչությունը, մասնավորապես, նշում է, որ պարբերաբար կապ է հաստատվում Իտալիայի Հանրապետությունում ՀՀ հյուպատոս 2-րդ քարտուղար Ա.Հովհաննիսյանի հետ։

Հովհաննիսյանը տեղեկացրել է, որ նախօրեին ժամը 23.00-ի դրությամբ երկրաշարժի զոհերի թիվը հասել է 120-ի, առավել վնասվել են Ամիկոլի և Ամիդրիչե բնակավայրերը: Հյուպատոսարանը անընդհատ կապի մեջ է տեղի իշխանությունների հետ:

Oգոստոսի 24-ին, ժամը 06.08-ին տեղեկություն է ստացվել, որ տեղական ժամանակով ժամը 05.36-ին (Գրինվիչի ժամանակով` 01.36-ին) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է 6.1 մագնիտուդով երկրաշարժ, որի էպիկենտրոնը գտնվում է Իտալիայի տարածքում:

Երկրաշարժի աշխարհագրական կոորդինատներն են հյուսիսային լայնության 42.790^Օ և արևելյան երկայնության 13.290^Օ:

Երկրաշարժի հիպոկենտրոնը գտնվում է 10 կմ խորության վրա: Ստորգետնյա ցնցման ուժգնությունն էպիկենտրոնում կազմել է 9 բալ:

Երկրաշարժին հաջորդել են հետցնցումներ` 5.4 և 4.9 մագնիտուդներով:–0–