«Իշխանությունը պատրաստվում է գրոհի». Վարուժան Ավետիսյան
29.07.2016,
17:09
«Հիմնադրիր խորհրդարանի» փոխնախագահ, «Սասնա ծռեր» զինված խմբի անդամ Վարուժան Ավետիսյանը հայտնել է, որ իշխանությունները պատրաստվում են գրոհի։
ԵՐԵՎԱՆ, 29 հուլիսի./ԱՌԿԱ/. «Հիմնադրիր խորհրդարանի» փոխնախագահ, «Սասնա ծռեր» զինված խմբի անդամ Վարուժան Ավետիսյանը հայտնել է, որ իշխանությունները պատրաստվում են գրոհի, հաղորդում է «Նովոստի–Արմենիա» գործակալությունը` հղում անելով «Առաջին լրատվականին»։
«Այս պահին ՊՊԾ գնդի տարածքում անօդաչու թռչող սարքով ենթադրում ենք , որ ռումբեր են գցում» - ասել է ՀԽ փոխնախագահ Վարուժան Ավտեիսյանը։
«Դեռ չգիտենք հստակ ինչ է, բայց ենթադրում ենք, որ ռումբեր են՝ հետագայում դրանք պայթեցնելու համար»,– նշել է Ավետիսյանը։
Նա հավելել է, որ իրենց կարծիքով՝ իշխանությունները գրոհի, հատուկ գործողության են պատրաստվում։
«Մենք էլ դրան պատրաստ ենք»,- եզրափակել է նա։–0–
