Երևանում որոտացած պայթյունից կան տուժածներ
ԵՐԵՎԱՆ, 25 հուլիսի./ԱՌԿԱ/. Այսօր առավոտյան պայթյուն է որոտացել Երևանի Արտաշիսյան փողոցում։
ՀՀ ԱԻՆ Փրկարար ծառայության հաղորդմամբ, հուլիսի 25-ին, ժամը 10:28 «911» ծառայությանն ահազանգ է ստացվել, որ Երևան քաղաքի Արտաշիսյան 72 հասցեում տեղի է ունեցել պայթյուն։ Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ, Հատուկ նշանակության փրկարարական աշխատանքների իրականացման կենտրոնի փրկարարական ջոկատը, Ճգնաժամային կառավարման ազգային կենտրոնի օպերատիվ, արտակարգ իրավիճակների արձագանքման խմբերը և Հոգեբանական աջակցության բաժնի հրահանգիչը։
«Պարզվել է, որ ապակիների արտադրամասում տեղի է ունեցել պայթյուն, ինչի հետևանքով արտադրամասի (70 քմ) պատերը մասամբ փլուզվել են: Նախնական տվյալներով 2 քաղաքացի հոսպիտալացվել է ԲԿ, ևս մեկ քաղաքացի տեղափոխվել է ԲԿ քաղաքացիների ուժերով», – նշվում է հաղորդագրության մեջ։–0–
