Ադրբեջան-Վրաստան սահմանային գոտում 4-5 բալ ուժգնությամբ երկրաշարժ է տեղի ունեցել, ցնցումները զգացվել են նաև Հայաստանում. ԱԻՆ

ԵՐԵՎԱՆ, 17 հունիսի. /ԱՌԿԱ/. Երկուշաբթի ժամը 05.08-ին Սեյսմիկ պաշտպանության ազգային ծառայությունից տեղեկություն է ստացվել, որ նույն օրը տեղական ժամանակով ժամը 04.48-ին Ադրբեջան-Վրաստան սահմանային գոտում՝ Թովուզ քաղաքից 33 կմ դեպի հյուսիս, տեղի է ունեցել 3.5 մագնիտուդով երկրաշարժ, հաղորդվում է ԱԻՆ կայքում։

Ցնցման ուժգնությունը էպիկենտրոնային գոտում կազմել է 4-5 բալ, հիպոկենտրոնը գտնվում է 10 կմ խորության վրա:

Ըստ նախնական տեղեկատվության` երկրաշարժը զգացվել է Տավուշի մարզի արևելյան շրջանում` 2-3 բալ ուժգնությամբ:--0--