Այսօր Ամիրյան փողոցում տեղի ունեցած պայթյունի հետևանքով երկու մարդ է տուժել. ՆԳՆ (ՎԻԴԵՈ)
02.09.2025,
15:58
Այսօր Ամիրյան փողոցում տեղի ունեցած ավտոմեքենայի պայթյունի հետևանքով երկու անձ տեղափոխվել է հիվանդանոց. ՎԻԴԵՈ
ԵՐԵՎԱՆ, 2 սեպտեմբերի․/ԱՌԿԱ/. Ամիրյան փողոցում մեքենայի պայթյունի հետևանքով վնասվել է չորս մեքենա և ուղևորատար ավտոբուս, հաղորդում է «ԱՌԿԱ» գործակալության թղթակիցը դեպքի վայրից։ Նշենք, որ Ամիրյան փողոցով անցնող մեքենայում պայթյուն է տեղի ունեցել, մեկ տղամարդ հոսպիտալացվել է։
Պայթյունի հետևանքների կապակցությամբ «ԱՌԿԱ» գործակալությունը հարցում է ուղարկել ՆԳՆ նախարարի մամուլի քարտուղար Նարեկ Սարգսյանին։
«ժամը 14․43-ին ահազանգ է ստացվել, որ Ամիրյան փողոցում տրանսպորտային միջոց է պայթել։ Մեկնած կարգախմբերն ու օպերատիվ խմբերը պարզել են,որ պայթյունը տեղի է ունեցել Տոյոտա մակնիշի ավտոմեքենայում։ 2 անձ վնասվածքներով տեղափոխվել է հիվանդանոց, վնասվել են տրանսպորտային միջոցնել։ Հանգամանքները պարզվում են»,- նշել է Սարգսյանը։
