Դանակահարություն Տավուշում. պատճառը մեքենան արագ վարելու հետևանքով ծագած վեճն է
ԵՐԵՎԱՆ, 14 հունվարի./ԱՌԿԱ/. Տավուշի Նորաշեն գյուղում մեքենան արագ վարելու պատճառով ծագած վեճի հետևանքով նախկինում տարբեր հանցագործությունների համար մի քանի անգամ դատապարտված, նույն գյուղի մի բնակիչ դանակահարել է տուժողին։ Այս մասին հայտնել է ՀՀ ոստիկանության մամուլի ծառայությունը։
Հունվարի 4-ին, ժամը 20.30-ի սահմաններում, բժշկական կենտրոնից ոստիկանության Արտաշատի բաժնում հաղորդում էր ստացվել, որ «որովայնի առջևի պատի ծակած, թափանցող վերք» ախտորոշմամաբ իրենց մոտ է տեղափոխվել Նորաշեն գյուղի մի բնակիչ:
«Օպերատիվ խումբը հիվանդանոց էր մեկնել, սակայն տուժողն ի վիճակի չէր եղել հաղորդում տալու: Բժշկի հետ զրուցելուց և համապատասխան արձանագրություններ կազմելուց հետո քրեական հետախույզները Նորաշեն էին մեկնել, ճշտել` դեպքը որտեղ, ինչ հանգամանքներում է եղել»,– հաղորդվում է տարածված հայտարարության մեջ։
Պարզվել էր, որ ժամը 19-ի սահմաններում, գյուղի Նելսոն Ստեփանյան փողոցի տներից մեկի դիմաց, մեքենան արագ վարելու պատճառով ծագած վեճի ժամանակ տուժողին դանակահարել է նախկինում տարբեր հանցագործությունների համար մի քանի անգամ դատապարտված, նույն գյուղի 35-ամյա մի բնակիչ: Սակայն նրան ո՛չ այդ, ո՛չ էլ հաջորդ օրը տանը հայտնաբերել չհաջողվեց։
Արարատի մարզային քննչական վարչությունում հարուցվել է քրեական գործ:
Ոստիկանության մամուլի ծառայության հաղորդմամբ, բացահայտման ուղղությամբ հետախուզական միջոցառումները շարունակվեցին, և դեպքից օրեր անց իրավապահների հետևողական աշխատանքի շնորհիվ կասկածյալը հայտնաբերվել է։
«Հունվարի 11-ին Երևանի Տիգրան Մեծի պողոտայից, քրեական հետախույզները նրան բերման ենթարկեցին ոստիկանության Արտաշատի բաժին: 35-ամյա տղամարդը ձերբակալված է»,– նշվում է գետեսչության հաղորդագրութայն մեջ։
Միջոցառումներ են ձեռնարկվում դանակը հայտնաբերելու ուղղությամբ:
