Հրդեհ է բռնկվել Երևանի փայտամշակման արտադրամասում․ դեպքի վայր է մեկնել 6 մարտական հաշվարկ

ԵՐԵՎԱՆ, 15 ապրիլի․//․ Ապրիլի 15-ին, ժամը 12:51-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Գուրգեն Մահարու փողոցում գտնվող փայտամշակման արտադրամասում: Այս մասին հայտնում է ՀՀ ԱԻՆ փրկարար ծառայությունը։

«Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ»,- նշվում է տարածված հաղորդագրության մեջ:

Հրդեհը մեկուսացվել է ժամը 13:10-ին, մարվել՝ 13:18-ին: Արտադրամասի բակում այրվել է 10 խմ աղբ:-0-