Երեսուն մեքենա է վնասվել «Զվարթնոց» օդանավակայանի նախկին «VIP» սրահի տանիքի փլուզման հետևանքով, տուժածներ չկան

ԵՐԵՎԱՆ, 6 հունիսի. /ԱՌԿԱ/. Մոտ 30 ավտոմեքենա է վնասվել «Զվարթնոց» օդանավակայանի նախկին «VIP» սրահի` քամուց պոկված տանիքի փլուզումից, հայտնում է Հայաստանի ԱԻՆ մամուլի ծառայությունը։ 

«Միջադեպի հետևանքով տուժածներ չկան»,– ասվում է հաղորդագրությունում։

Ավելի վաղ «Արմենիա–Միջազգային օդանավակայաններ» ընկերության մամուլի քարտուղար Գևորգ Աբրահամյանը «Նովոստի–Արմենիա» գործակալությանը հայտնել էր, որ տանիքը պոկվել է ուժեղ քամուց և ընկել կայանատեղիի վրա։

«Արմենիա - միջազգային օդանավակայաններ» ՓԲԸ-ն շահագործում է «Զվարթնոց» օդանավակայանը՝ համատեղ շահագործման պայմանագրի համաձայն, որը հայկական կառավարությունը կնքել էր 2001-ին` 30 տարի ժամկետով։ Ձեռնարկության սեփականատերն է արգենտինական American International Airports ընկերությունը, որը պատկանում է Արգենտինայի քաղաքացի հայազգի Էդուարդո Էռնեկյանին: --0—