ԱԽ քարտուղար. Լաչինի միջանցքում տեղի ունեցող բոլոր իրադարձությունների պատասխանատվությունը կրում է ՌԴ–ն (ՎԻԴԵՈ)
27.04.2023,
11:46
2020թ.–ի նոյեմբերի 9–ի եռակողմ հայտարարության համաձայն, Լաչինի միջանցքը պատկանում է Ռուսաստանի Դաշնությանը, այնտեղ գտնվում են ռուս խաղաղապահները, հայտարարել է Արմեն Գրիգորյանը. ՎԻԴԵՈ
ԵՐԵՎԱՆ, 27 ապրիլի./ԱՌԿԱ/. Լաչինի միջանցքը պատկանում է Ռուսաստանի Դաշնությանը, և այս պահին Լաչինի միջանցքում տեղի ունեցող բոլոր իրադարձությունների պատասխանատվությունը կրում է ՌԴ–ն։ Այս մասին Հանրային հեռուստաընկերությանը տված հարցազրույցում հայտարարել է ԱԽ քարտուղար Արմեն Գրիգորյանը։
«2020թ.–ի նոյեմբերի 9–ի եռակողմ հայտարարության համաձայն, Լաչինի միջանցքը պատկանում է Ռուսաստանի Դաշնությանը, այնտեղ գտնվում են ռուս խաղաղապահները։ Այնտեղ տեղի ունեցող բոլոր իրադարձությունների պատասխանատվությունը կրում է Ռուսաստանի Դաշնությունը։ Ռուսաստանի Դաշնությունը պետք է գործի, որպեսզի 120 000 հայերը, ովքեր ապրում են Լեռնային Ղարաբաղում, էթնիկ զտման չենթարկվեն, որովհետև այս գործողությունների միակ նպատակը Լեռնային Ղարաբաղում էթնիկ զտում կատարելն է։ Դրա մասին ադրբեջանական հանրությունն է խոսում, որոշակի մասով նաև պաշտոնական մակարդակով` վերջնագրեր ներկայացնելով Լեռնային Ղարաբաղում ապրող հայերին», – ասել է Գրիգորյանը։
Նրա խոսքով, եթե հնարավոր է բանակցություններով լուծել, բնականաբար բոլորս էլ երջանիկ կլինենք։ Բոլորն էլ ուզում են դիվանագիտության, խոսելու շնորհիվ հարցեր լուծել։ Իսկ եթե հարցերը չեն լուծվում այդ ճանապարհով, ապա պետք է գործողություններ հետևեն։
Գրիգորյանը կոչ է արել չփնտրել մեղավորների։
«Ամեկարևորը «գետնի» վրա իրականություննէ ։ Եթե «գետնի» վրա իրականությունը փոխվի, կհամարենք, որ այդ զրույցներն արդյունք են տվել։ Մենք Ռուսաստանի Դաշնության մեր գործընկերներին բազմաթիվ անգամ հարցրել ենք, թե ինչի է այս իրավիճակը տեղի ունենում, որովհևետ 7–8 անգամից ավելի շատ է տեղի ունեցել` Խծաբերդ, Փառուխ, Լաչինի միջանցքի սկզբից շրջափակում, հիմա նաև կամրջի մոտ շրջակափում։ Սրանք բոլոր գործողություններ են, որոնք այյլևս դեպքեր չեն, իրողություններ են, որոնք արդեն շարունակական են», – ասել է Գրիգորյանը։
Նա հիշեցրել է, որ 2020թ.–ի պատերազմից հետո ՌԴ խաղաղապահներն անվտանգության երաշխիքներ են տվել Լեռնային Ղարաբաղի բնակչությանը։ ԼՂ բնակիչները վերադարձել են Արցախ` նաև լսելով այդ երաշխիքները։
«Բայց «գետնի» վրա այդ երաշխիքներն այս պահին չեն աշխատում։ Ավելին, այս պահին էթնիկ զտման վտանգը գնալով դառնում է առարկայական», – ասել է ԱԽ քարտուղարը։
Նա համաձայնել է այն կարծիքի հետ, որ 2020թ.–ից հետո անվտանգության ճարտարապետության լուրջ սողացող վերափոխում է գնում։
«Այս համակարգն ամբողջովին փլուզվում է», – ասել է Գրիգորյանը։
Նա կեղծ է համարել ընդդիմության մեղադրանքներն այն մասին, որ տեղի ունեցածում մեղավոր են Հայաստանի իշխանությունները, որոնք սխալ են կառուցել հարաբերությունները Ռուսաստանի հետ։
ԱԽ քարտուղարը նաև հայտարարել է, որ Ղարաբաղում միշտ եղել են ռուսամետ տրամադրվածություններ, իսկ Հայաստանը չի փոխել արտաքին քաղաքականության վեկտորը։
«Իհարկե մեզ (ՀՀ իշխանություններ, խմբգր.) «պատժել» են սեպտեմբերյան պատերազմով և այլ գործողություններով, բայց այն, ինչ տեղի է ունենում Լեռնային Ղարաբաղում, որևիցե ձև այս տրամաբանության մեջ չի մտնում», – ասել է Գրիգորյանը։
Նրա խոսքով, եթե Ռուսաստանը մնում է տարածաշրջանում, նրա գործողությունը պետք է ունենա մի քիչ այլ տրամաբանություն։
«Հայաստանի համար շատ կարևոր է, որպեսզի հայերը բնակվեն Լեռնային Ղարաբաղում, և այնտեղ լինեն անվտանգության և իրավունքների երաշխիքներ։ Դրա համար կատարում ենք բազմաթիվ քայլեր», – ասել է Գրիգորյանը։
Նա նշել է, որ Ադրբեջանը փորձում է ուժի միջոցով հասնել խաղաղության պայմանագրի իր նախապայմանների իրականացմանը։ Հայաստանը, գտնվելով շատ ծանր վիճակում, փորձում է գտնել անվտանգության նոր երաշխիքներ։–0–
«2020թ.–ի նոյեմբերի 9–ի եռակողմ հայտարարության համաձայն, Լաչինի միջանցքը պատկանում է Ռուսաստանի Դաշնությանը, այնտեղ գտնվում են ռուս խաղաղապահները։ Այնտեղ տեղի ունեցող բոլոր իրադարձությունների պատասխանատվությունը կրում է Ռուսաստանի Դաշնությունը։ Ռուսաստանի Դաշնությունը պետք է գործի, որպեսզի 120 000 հայերը, ովքեր ապրում են Լեռնային Ղարաբաղում, էթնիկ զտման չենթարկվեն, որովհետև այս գործողությունների միակ նպատակը Լեռնային Ղարաբաղում էթնիկ զտում կատարելն է։ Դրա մասին ադրբեջանական հանրությունն է խոսում, որոշակի մասով նաև պաշտոնական մակարդակով` վերջնագրեր ներկայացնելով Լեռնային Ղարաբաղում ապրող հայերին», – ասել է Գրիգորյանը։
Նրա խոսքով, եթե հնարավոր է բանակցություններով լուծել, բնականաբար բոլորս էլ երջանիկ կլինենք։ Բոլորն էլ ուզում են դիվանագիտության, խոսելու շնորհիվ հարցեր լուծել։ Իսկ եթե հարցերը չեն լուծվում այդ ճանապարհով, ապա պետք է գործողություններ հետևեն։
Գրիգորյանը կոչ է արել չփնտրել մեղավորների։
«Ամեկարևորը «գետնի» վրա իրականություննէ ։ Եթե «գետնի» վրա իրականությունը փոխվի, կհամարենք, որ այդ զրույցներն արդյունք են տվել։ Մենք Ռուսաստանի Դաշնության մեր գործընկերներին բազմաթիվ անգամ հարցրել ենք, թե ինչի է այս իրավիճակը տեղի ունենում, որովհևետ 7–8 անգամից ավելի շատ է տեղի ունեցել` Խծաբերդ, Փառուխ, Լաչինի միջանցքի սկզբից շրջափակում, հիմա նաև կամրջի մոտ շրջակափում։ Սրանք բոլոր գործողություններ են, որոնք այյլևս դեպքեր չեն, իրողություններ են, որոնք արդեն շարունակական են», – ասել է Գրիգորյանը։
Նա հիշեցրել է, որ 2020թ.–ի պատերազմից հետո ՌԴ խաղաղապահներն անվտանգության երաշխիքներ են տվել Լեռնային Ղարաբաղի բնակչությանը։ ԼՂ բնակիչները վերադարձել են Արցախ` նաև լսելով այդ երաշխիքները։
«Բայց «գետնի» վրա այդ երաշխիքներն այս պահին չեն աշխատում։ Ավելին, այս պահին էթնիկ զտման վտանգը գնալով դառնում է առարկայական», – ասել է ԱԽ քարտուղարը։
Նա համաձայնել է այն կարծիքի հետ, որ 2020թ.–ից հետո անվտանգության ճարտարապետության լուրջ սողացող վերափոխում է գնում։
«Այս համակարգն ամբողջովին փլուզվում է», – ասել է Գրիգորյանը։
Նա կեղծ է համարել ընդդիմության մեղադրանքներն այն մասին, որ տեղի ունեցածում մեղավոր են Հայաստանի իշխանությունները, որոնք սխալ են կառուցել հարաբերությունները Ռուսաստանի հետ։
ԱԽ քարտուղարը նաև հայտարարել է, որ Ղարաբաղում միշտ եղել են ռուսամետ տրամադրվածություններ, իսկ Հայաստանը չի փոխել արտաքին քաղաքականության վեկտորը։
«Իհարկե մեզ (ՀՀ իշխանություններ, խմբգր.) «պատժել» են սեպտեմբերյան պատերազմով և այլ գործողություններով, բայց այն, ինչ տեղի է ունենում Լեռնային Ղարաբաղում, որևիցե ձև այս տրամաբանության մեջ չի մտնում», – ասել է Գրիգորյանը։
Նրա խոսքով, եթե Ռուսաստանը մնում է տարածաշրջանում, նրա գործողությունը պետք է ունենա մի քիչ այլ տրամաբանություն։
«Հայաստանի համար շատ կարևոր է, որպեսզի հայերը բնակվեն Լեռնային Ղարաբաղում, և այնտեղ լինեն անվտանգության և իրավունքների երաշխիքներ։ Դրա համար կատարում ենք բազմաթիվ քայլեր», – ասել է Գրիգորյանը։
Նա նշել է, որ Ադրբեջանը փորձում է ուժի միջոցով հասնել խաղաղության պայմանագրի իր նախապայմանների իրականացմանը։ Հայաստանը, գտնվելով շատ ծանր վիճակում, փորձում է գտնել անվտանգության նոր երաշխիքներ։–0–
