ԱՄՆ Պետդեպը կոչ է արել Երևանին և Բաքվին ակտիվացնել դիվանագիտական փոխգործակցությունը
31.08.2022,
13:37
ԱՄՆ–ն կոչ է անում Հայաստանին և Ադրբեջանին ակտիվացնել դիվանագիտական փոխգործակցությունը և հասնել խաղաղության համապարփակ համաձայնագրի
ԵՐԵՎԱՆ, 31 օգոստոսի./ԱՌԿԱ/. Միացյալ Նահանգները հավատարիմ է մնում Հարավային Կովկասի անվտանգ, կայուն, ժողովրդավարական, բարգավաճ և խաղաղ ապագայի խթանմանը, հայտարարել է ԱՄՆ Պետդեպարտամենտի Գլոբալ հանրային կապերի բյուրոյի (Bureau of Global Public Affairs) խոսնակ Վեդանտ Պատելը:
«Մենք կոչ ենք անում Հայաստանին և Ադրբեջանին ակտիվացնել դիվանագիտական փոխգործակցությունը և հասնել խաղաղության համապարփակ համաձայնագրի»,- ասել է նա ճեպազրույցի ժամանակ։
Հայաստանի իշխանությունները վերջին շրջանում ակտիվորեն քարոզում են տարածաշրջանում «խաղաղության դարաշրջան» բացելու գաղափարը։
Նշենք, որ այսօր Բրյուսելում նախատեսված են ՀՀ վարչապետ Նիկոլ Փաշինյանի հանդիպումները Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի հետ։
Ավելի վաղ, ի պատասխան Ադրբեջանի նախագահի օգնական Հիքմեթ Հաջիևի հայտարարության, թե Բրյուսելում կայանալիք եռակողմ հանդիպմանը նախատեսում է համաձայնության գալ խաղաղ համաձայնագրի տեքստը պատրաստող խմբի ստեղծման շուրջ, Հայաստանի վարչապետի աշխատակազմից նշել են, որ հանդիպման ավարտին համապատասխան հաղորդագրություն կտարածվի։ -0-
«Մենք կոչ ենք անում Հայաստանին և Ադրբեջանին ակտիվացնել դիվանագիտական փոխգործակցությունը և հասնել խաղաղության համապարփակ համաձայնագրի»,- ասել է նա ճեպազրույցի ժամանակ։
Հայաստանի իշխանությունները վերջին շրջանում ակտիվորեն քարոզում են տարածաշրջանում «խաղաղության դարաշրջան» բացելու գաղափարը։
Նշենք, որ այսօր Բրյուսելում նախատեսված են ՀՀ վարչապետ Նիկոլ Փաշինյանի հանդիպումները Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի հետ։
Ավելի վաղ, ի պատասխան Ադրբեջանի նախագահի օգնական Հիքմեթ Հաջիևի հայտարարության, թե Բրյուսելում կայանալիք եռակողմ հանդիպմանը նախատեսում է համաձայնության գալ խաղաղ համաձայնագրի տեքստը պատրաստող խմբի ստեղծման շուրջ, Հայաստանի վարչապետի աշխատակազմից նշել են, որ հանդիպման ավարտին համապատասխան հաղորդագրություն կտարածվի։ -0-
