ԱՄՆ Պետդեպարտամենտը հայտարարություն է տարածել՝ կապված հայ-ադրբեջանական սահմանում սրվող իրավիճակի հետ
14.07.2020,
11:10
ԱՄՆ պետդեպարտամենտը կոչ է արել Հայաստանին և Ադրբեջանին դադարեցնել ուժի կիրառումը
ԵՐԵՎԱՆ, 14 հուլիսի. /ԱՌԿԱ/․ ԱՄՆ Պետդեպարտամենտը հայտարարություն է տարածել՝ կապված հայ-ադրբեջանական սահմանում սրվող իրավիճակի հետ:
Загружается новость ... "Лево"
«Միացյալ Նահանգները խստորեն դատապարտում է հայ-ադրբեջանական պետական սահմանին ուժի կիրառումը։ Կոչ ենք անում կողմերին անմիջապես դադարեցնել ուժի կիրառումը, օգտագործել գոյություն ունեցող կապի միջոցները՝ իրավիճակի հետագա սրացումից խուսափելու համար եւ խստորեն պահպանել հրադադարը»,- նշել է ԱՄՆ Պետդեպարտամենտի խոսնակ Մորգան Օրթագուսը:
Հաղորդագրության համաձայն՝ ԱՄՆ-ը, որպես ԵԱՀԿ Մինսկի խմբի համանախագահ, հավատարիմ է մնում Լեռնային Ղարաբաղի հակամարտության երկարատեւ, խաղաղ լուծման հասնելու հարցում կողմերին աջակցելու հանձնառությանը եւ շարունակում է ակտիվորեն ներգրավված լինել այդ նպատակին հասնելուն ուղղված ջանքերում:
«Միացյալ Նահանգները միանում է առարկայական բանակցությունները որքան հնարավոր է շուտ վերսկսելու վերաբերյալ Մինսկի խմբի համանախագահների կոչին եւ շեշտում է ԵԱՀԿ դիտորդների՝ հանգամանքների նպաստավոր լինելուն պես տարածաշրջան վերադարձի կարեւորությունը»,- ընդգծել է Օրթագուսը:-0-
