Աբովյանի քաղաքապետի ընտրություններում հաղթել է գործող քաղաքապետ Վահագն Գևորգյանը
10.06.2019,
11:06
Ընտրություններին մասնակցել է հինգ թեկնածու, որոնց թվում էին գործող քաղաքապետ Վահագն Գևորգյանը և «Քաղաքացիական պայմանագիր» իշխող կուսակցության թեկնածու Գրիգոր Ղուլյանը։
ԵՐԵՎԱՆ, 10 հունիսի./ԱՌԿԱ/. Կենտրոնական ընտրական հանձնաժողովի նախնական տվյալներով, նախօրեին անցկացված Աբովյանի քաղաքապետի ընտրություններում հաղթել է գործող քաղաքապետ Վահագն Գևորգյանը։ Այս մասին նա տեղեկացրել է Facebook–յան իր էջում։
Ընտրություններին մասնակցել է հինգ թեկնածու, որոնց թվում էին գործող քաղաքապետ Վահագն Գևորգյանը և «Քաղաքացիական պայմանագիր» իշխող կուսակցության թեկնածու Գրիգոր Ղուլյանը։
Հայկական ԶԼՄ–ների հաղորդմամբ, Գևորգյանի թեկնածության օգտին քվեարկել է 8441 մարդ, Ղուլյանի օգտին` 8031։
Ընտրություններին մասնակցել է ընտրողների 40.83%–ը։ 44519 քաղաքացուց քվեարկությանը մասնակցել է 18175–ը։
Նախընտրական քարոզարշավի ընթացքում Ղուլյանին անձամբ աջակցել է ՀՀ վարչապետ Նիկոլ Փաշինյանը։–0–
