Ադրբեջանական ԶՈւ–ն սադրանքի է դիմել ՀՀ արևելյան սահմանագոտու ուղղությամբ.ՊՆ
16.11.2021,
13:44
ՀՀ ԶՈՒ ստորաբաժանումները դիմել են պատասխան գործողությունների՝ հակառակորդի առաջխաղացումը կանխելու նպատակով
ԵՐԵՎԱՆ, 16 նոյեմբերի./ԱՌԿԱ/. Նոյեմբերի 16-ին, ժամը 13։00-ի սահմաններում, ադրբեջանական ԶՈՒ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը, հաղորդում է ՀՀ պաշտպանության նախարարությունը։
«ՀՀ ԶՈՒ ստորաբաժանումները դիմել են պատասխան գործողությունների՝ հակառակորդի առաջխաղացումը կանխելու նպատակով։ Իրադրության հետագա զարգացումների վերաբերյալ պաշտպանության նախարարությունը պարբերաբար հանդես կգա հաղորդագրություններով», – նշվում է գերատեսչության հաղորդագրության մեջ։–0–
