Ադրբեջանը կրկին խախտել է հրադադարն Արցախում, ինչի հետևանքով հայկական կողմը վիրավոր ունի

ԵՐԵՎԱՆ, 13 սեպտեմբերի./ԱՌԿԱ/. Սեպտեմբերի 13- ին ժամը 12։15–ի սահմաններում ադրբեջանական զինուժը Արցախի Նոր Շենի ուղղությամբ խախտել է հրադադարը` կիրառելով հրաձգային զենք, հաղորդում է Արցախի պաշտպանության բանակը։

Հրադադարի խախտման հետևանքով հայկական կողմում կա մեկ վիրավոր։ Նրա կյանքին վտանգ չի սպառնում։

Միջադեպի մասին հաղորդվել է ՌԴ խաղաղապահ զորակազմի հրամանատարությանը։

Ավելի վաղ ՊԲ–ն հաղորդել էր, որ այսօր ժամը 11:50-ի սահմաններում ադրբեջանական զինուժը Ճանկաթաղի ուղղությամբ խախտել է հրադադարը` կիրառելով հրաձգային զենք։–0–