Պաշտպանության փոխնախարար. Արցախի իրադարձություններով պայմանավորված որոշակի լարվածության միտում է նկատվում
04.04.2022,
15:59
Փառուխում իրավիճակը մնում է անփոփոխ
ԵՐԵՎԱՆ, 4 ապրիլի./ԱՌԿԱ/. Վերջին շրջանում Արցախում տեղի ունեցող իրադարձություններով պայմանավորված որոշակի լարվածության միտում է նկատվում, ասաց ՀՀ պաշտպանության փոխնախարար Արման Սարգսյանն այսօր լրագրողներին ԱԺ–ում։
«Փառուխում իրավիճակը մնում է անփոփոխ։ Տրամադրված տեղեկատվության մասով փոփոխություններ տեղի չեն ունեցել», – ասաց նա։
«Յուրաքանչյուր պահի հնարավոր է էսկալացիայի ալիքը մեծանա, որովհետև մեր խաղաղությունը փխրուն է: Այս պահին աշխարհում տեղի ունեցող իրադարձություններով պայմանավորված չի բացառվում, որ որևէ մեկը, որևէ պետություն փորձի ապակայունացնել իրավիճակը», – նշել է փոխնախարարը։–0–