Արցախի նախագահը հարցաքննության է հրավիրվելու Սահմանադրական կարգի տապալման հոդվածով հարուցված քրգործի շրջանակում
15.04.2021,
19:43
Արցախի նախագահ Արայիկ Հարությունյանը հարցաքննության է հրավիրվելու Սահմանադրական կարգի տապալման հոդվածով հարուցված քրեական գործի շրջանակում
ԵՐԵՎԱՆ, 15 ապրիլի./ԱՌԿԱ/. Արցախի նախագահ Արայիկ Հարությունյանը հարցաքննության է հրավիրվելու Սահմանադրական կարգի տապալման հոդվածով հարուցված քրեական գործի շրջանակում, հայտնում է Արցախի գլխավոր դատախազությունը։
«Հաշվի առնելով լրատվամիջոցների պարբերական հարցումները, տեղեկացնում ենք, որ ԱՀ քրեական օրենսգրքի 312-րդ հոդվածի 1-ին մասով նախատեսված հանցագործության հատկանիշներով հարուցված քրեական գործով առաջիկայում հարցաքննության է հրավիրվելու նաև ԱՀ նախագահը։ Հարցաքննության օրվա մասին կհայտնվի լրացուցիչ», – նշվում է գերատեսչության հաղորդագրության մեջ։–0–
