Արտակ Բեգլարյան.շուտով Կարմիր Շուկա-Շուշի ճանապարհից ադրբեջանական կողմն այլևս ընդհանրապես չի օգտվելու (ՎԻԴԵՈ)
ԵՐԵՎԱՆ, 1 հուլիսի./ԱՌԿԱ/. Արցախի պետական նախարար Արտակ Բեգլարյանն այսօր կայացած մամուլի ասուլիսի ժամանակ անդրադարձել է Կարմիր Շուկա–Շուշի ճանապարհի հարցին` նշելով, որ շուտով ադրբեջանական կողմն ընդհանրապես չի օգտվելու այդ ճանապարհից։
«Որոշակի լկտի վարք լինում է ադրբեջանական կողմից, այդ թվում՝ ճանապարհներով անցնելիս, բայց շուտով՝ մի քանի ամսվա ընթացքում, Կարմիր Շուկա-Շուշի ճանապարհից ադրբեջանական կողմն այլևս ընդհանրապես չի օգտվելու», –ասաց Բեգլարյանն` անդրադառնալով այն հարցին, թե թշնամին Արցախի ճանապարհներից տիրակալի պահվածքով է օգտվում։
«Աշխատանքներ են տարվում այդ ճանապարհների անվտանգության մակարդակը բարձրացնելու ուղղությամբ, այդ թվում` գիշերային լուսավորվածության հարցերն են լուծվում, վերահսկողությունն է լրացուցիչ ուժեղացվում», – ասաց Բեգլարյանը։
Մանրամասն` տեսանյութում։–0–
