ՀՀ վարչապետը պաշտոնից ազատել է էկոնոմիկայի նախարարի տեղակալին. հրամանն ուժի մեջ կմտնի մի քանի օրից
24.01.2020,
19:55
Քամալյանն ավելի վաղ զբաղեցրել է գյուղատնտեսության փոխնախարարի պաշտոնը
ԵՐԵՎԱՆ, 24 հունվարի./ԱՌԿԱ/. ՀՀ վարչապետի որոշմամբ, հունվարի 31–ից պաշտոնից կազատվի ՀՀ էկոնոմիկայի նախարարի տեղակալ Արտակ Քամալյանը։
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Արտակ Քամալյանին 2020 թվականի հունվարի 31-ից ազատել էկոնոմիկայի նախարարի տեղակալի պաշտոնից», – նշվում է որոշման մեջ:
Նշենք, որ Քամալյանը համակարգել է գյուղատնտեսական ոլորտը։ Էկոնոմիկայի նախարարի տեղակալի է նշանակվել 2019թ.–ի հունիսի 4–ին, ավելի վաղ զբաղեցրել է գյուղատնտեսության փոխնախարարի պաշտոնը։–0–
