Հայաստանում անիշխանություն է տիրում. Մարուքյանը հայտնել է Փաշինյանի կողմնակիցների՝ ընդդիմությանն ուղղված սպառնալիքների մասին

ԵՐԵՎԱՆ, 19 նոյեմբերի./ԱՌԿԱ/. ՀՀ վարչապետ Նիկոլ Փաշինյանի կողմնակիցները սպառնում են ընդդիմադիր գործիչներին, իսկ երկրում գնալով մեծանում է անիշխանությունը, հայտնել է «Լուսավոր Հայաստան» խմբակցության պատագամավոր Էդմոն Մարուքյանը հինգշաբթի ճեպազրույց ժամանակ:

Պատգամավորի խոսքով, ցույցից հետո իշխանության կողմնակիցները՝ զինված ուժերի համազգեստով, սպառնում էին գրավել ընդդիմության ներկայացուցիչների տները: 

«Նոյեմբերի 10-ից սկսած խայտառակ սպառնալիքներ ենք ստանում, ես շարունակում եմ դրանք ստանալ, որի մասին հրապարակային ասել եմ: Սա լուրջ վտանգ է մեր ընտանիքների համար: Մեր անվտանգությունն ապահովված չէ»,- ընդգծել է Մարուքյանը:

Մարուքյանի խոսքով, երկրում անիշխանություն է տիրում, որին պետք է վերջ դնել:

«Չկա ոչ մի կարգ ու կանոն, չկա ոչ մի զսպող, ով ինչ ուզում՝ ասում է, ով ում ուզում սպառնում է, ում ուզում ծեծում է: Այս խայտառակությանը պետք է վերջ դրվի»,- հայտնել է պատգամավորը: 

Չորեքշաբթի օրը Երևանի կենտրոնում միաժամանակ երկու ցույց էր անցկացվում: Առաջին ցույցի մասնակիցները հանդես են գալիս վարչապետ Նիկոլ Փաշինյանի պահանջովմ իսկ երկրորդինը՝ հավաքվել են իրենց աջակցությունը հայտնելու գործող իշխանություններին:-0-