«Հուսով ենք, որ հայերը կկարողանան պաշտպանվել նրանից, ինչ անում են ադրբեջանցիները». ԱՄՆ պետքարտուղար Մայք Պոմպեո
ԵՐԵՎԱՆ, 15 հոկտեմբերի․ /ԱՌԿԱ/․ ԱՄՆ պետքարտուղար Մայք Պոմպեոն WSB Atlanta-ի The Erick Erickson Show-ին տված հարցազրույցում հույս է հայտնել, որ հայերը կկարողանան պաշտպանվել ադրբեջանցիների գործողություններից:
«Այն, ինչ այսօր տեղի է ունենում Ադրբեջանում և Հայաստանում, վտանգավոր է: Հիմա կան թուրքեր, ովքեր միջամտել և ռեսուրսներ են տրամադրել Ադրբեջանին՝ ավելացնելով ռիսկը, կրակի ուժը այս պատմական ճակատամարտում Լեռնային Ղարաբաղ կոչվող վայրի համար՝ փոքր տարածք, որտեղ բնակվում է մոտ 150,000 մարդ»,- ասել է Պոմպեոն։
«Հուսով ենք, որ հայերը կկարողանան պաշտպանվել նրանից, ինչ անում են ադրբեջանցիները, և որ մինչ դա տեղի ունենա, նրանք բոլորն էլ ճիշտ ճանապարհով կհասնեն զինադադարի, կնստեն բանակցությունների սեղանի շուրջ և կփորձեն հասկանալ, այսինքն՝ նրանում, ինչն իսկապես պատմական և բարդ խնդիր է», - ասել է Պոմպեոն:-0-
