Միշելն ու Ալիևը քննարկել են հայ–ադրբեջանական հարաբերությունների կարգավորման գործընթացը
11.11.2024,
21:09
Եվրոպական խորհրդի նախագահ Շառլ Միշելը հայտնել է, որ Ադրբեջանի նախագահ Իլհամ Ալիևի հետ քննարկել է հայ-ադրբեջանական կարգավորման հարցը
ԵՐԵՎԱՆ, 11 նոյեմբերի․/ԱՌԿԱ/․ Եվրոպական խորհրդի նախագահ Շառլ Միշելը հայտնել է, որ Ադրբեջանի նախագահ Իլհամ Ալիևի հետ քննարկել է հայ-ադրբեջանական կարգավորման հարցը։
«Անցյալ շաբաթ Բուդապեշտում Հայաստանի վարչապետ Նիկոլ Փաշինյանի հետ մտքերի փոխանակումից հետո մենք քննարկեցինք Հայաստանի և Ադրբեջանի միջև հարաբերությունների կարգավորման գործընթացի վիճակը: ԵՄ-ն նախկինի պես պատրաստ է աջակցել բոլոր ջանքերին կայուն, խաղաղ և բարգավաճ Կովկասի համար», – գրել է Միշելն X–ի իր միկրոբլոգում Ալիևի հետ հանդիպումից հետո, որը տեղի է ունեցել Բաքվում այսօր մեկնարկած ՄԱԿ-ի COP-29 գագաթնաժողովի շրջանակում։
