ՊԲ–ն զգուշացնում է. առաջնագծի որոշ ուղղություններում Ադրբեջանի ԶՈւ–ն ստեղծում է ահաբեկչական խմբավորումների բազաներ
ԵՐԵՎԱՆ, 28 հոկտեմբերի./ԱՌԿԱ/. Արցախի Պաշտպանության բանակից հայտնում են, որ առաջնագծի որոշ ուղղություններում Ադրբեջանի ԶՈւ–ն ստեղծում է ահաբեկչական խմբավորումների բազաներ։
«Ռադիոհետախուզական տվյալների համաձայն թուրք-ադրբեջանական վարձկանների, ահաբեկիչների մարտավարությունն ու հեռախոսազրույցները վերլուծելով և հետախուզական փաստերը համադրելով, ակնհայտ է դարձել, որ վերջին օրերին հայկական ստորաբաժանումների կողմից առաջնագծի որոշ ուղղություններում մարտավարական նպատակներով հետ քաշվելու արդյունքում, տվյալ հատվածներում Արդբեջանի զինված ուժերը ջանադրաբար ստեղծում են ահաբեկչական խմբավորումների բազաներ, որոնց գործողությունները կարող են ավելի սրել և ապակայունացնել իրավիճակը ոչ միայն Հայաստանի և Արցախի սահմաններում, այլ նաև լուրջ վտանգ ներկայացնել ամբողջ տարածաշրջանի համար», – նշվում է գերատեսչության հաղորդագրության մեջ։–0–
