Փաշինյանը Գեղամ Վարդանյանին ազատել է բարձր տեխնոլոգիական արդյունաբերության նախարարի տեղակալի պաշտոնից, հրամանն ուժի մեջ կմտնի 2 օրից
29.01.2020,
14:47
Մի քանի օր առաջ վարչապետը որոշում է ստորագրել Արտակ Քամալյանին էկոնոմիկայի նախարարի տեղակալի պաշտոնից ազատելու մասին
ԵՐԵՎԱՆ, 29 հունվարի./ԱՌԿԱ/. ՀՀ վարչապետ Նիկոլ Փաշինյանը չորեքշաբթի որոշում է ստորագրել Գեղամ Վարդանյանին բարձր տեխնոլոգիական արդյունաբերության նախարարի տեղակալի պաշտոնից ազատելու մասին։
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Գեղամ Վարդանյանին 2020 թվականի հունվարի 31-ից ազատել բարձր տեխնոլոգիական արդյունաբերության նախարարի տեղակալի պաշտոնից», – նշվում է կառավարության կայքում հրապարակված որոշման մեջ։
Վարդանյանն այս պաշտոնին նշանակվել է 2019թ.–ի հունիսի 4–ին, ավելի վաղ զբաղեցրել է տրանսպորտի, կապի և տեղեկատվական տեխնոլոգիաների նախարաի տեղակալի պաշտոնը։
Մի քանի օր առաջ վարչապետը որոշում է ստորագրել Արտակ Քամալյանին էկոնոմիկայի նախարարի տեղակալի պաշտոնից ազատելու մասին, որոշումն ուժի մեջ կմտնի հունվարի 31–ին։–0–