Փաշինյանը հեռախոսազրույց է ունեցել Շառլ Միշելի հետ բրյուսելյան հանդիպման նախօրեին

ԵՐԵՎԱՆ, 30 օգոստոսի./ԱՌԿԱ/. Եվրոպական խորհրդի նախագահ Շառլ Միշելը հեռախոսազրույցներ է ունեցել ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։

«Այսօր, Ադրբեջանի նախագահ Ալիևի և Հայաստանի վարչապետ Փաշինյանի արդեն չորրորդ հանդիպման նախօրեին, որը տեղի կունենա վաղը Բրյուսելում, ես նրանց հետ ունեցել եմ հեռախոսազրույցներ», – գրել է Միշելը Twitter–ի իր միկրոբլոգում։

Նշենք, որ ՀՀ վարչապետ Նիկոլ Փաշինյանն օգոստոսի 31–ին Բրյուսելում կհանդիպի Ադրբեջանի նախագահ Իլհամ Ալիևի և Եվրոպայի խորհրդի նախագահ Շառլ Միշելի հետ։–0–