Փաստաբան. Օնիկ Գասպարյանը կշարունակի զբաղեցնել ՀՀ ԶՈւ ԳՇ պետի պաշտոնը
ԵՐԵՎԱՆ, 18 մարտի./ԱՌԿԱ/. Գեներալ–լեյտենանտ Օնիկ Գասպարյանը կշարունակի զբաղեցնել ՀՀ ԶՈւ ԳՇ պետի պաշտոնը, Facebook–յանիր էջում տեղեկացրել է փաստաբան Արթուր Հովհաննիսյանը, ով ներկայացնում է Գասպարյանի շահերը դատարանում։
2021թ.–ի մարտի 10–ին կառավարության կայքում հրապարակվել է ՀՀվարչապետ Նիկոլ Փաշինյանի հայտարարությունն այն մասին, որ Օնիկ Գասպարյանը համարվում է ազատված ԳՇ պետի պաշտոնից իրավունքի ուժով։ Համաձայն չլինելով այդ որոշման հետ` Գասպարյանը դիմել էր Վարչական դատարան։
«Հարգելի գործընկերներ, դատալեքսում արդեն հասանելի է մեր վստահորդի՝ պարոն Գասպարյանի ՎԴ/2014/05/21 վարչական գործը, այդ թվում՝ հայցի ապահովման միջոց կիրառելու որոշումը: Կարծում եմ, այն ուսումնասիրելու դեպքում այլևս հարցեր չեն առաջանա առ այն, որ պարոն Գասպարյանը շարունակում է պաշտոնավարել որպես ԶՈՒ ԳՇ պետ», – նշել է Հովհաննիսյանը։–0–
