Ռուբեն Վարդանյանը կոչ է արել ՀՀ իշխանություններին ճանաչել Արցախը
19.09.2023,
14:05
«Մենք բոլորս պետք է պաշտպանենք մեր Հայրենիքը», – գրել է Վարդանյանն իր Տելեգրամ ալիքում։
ԵՐԵՎԱՆ, 19 սեպտեմբերի./ԱՌԿԱ/. ՀՀ իշխանությունները պետք է ճանաչեն Արցախը և միանան իրենց քաղաքացիների պաշտպանությանը, հայտարարել է Արցախի նախկին պետնախարար Ռուբեն Վարդանյանը։
«Մենք բոլորս պետք է պաշտպանենք մեր Հայրենիքը», – գրել է Վարդանյանն իր Տելեգրամ ալիքում։
Քիչ առաջ նա հայտնել էր, որ զանգվածային հրետակոծություն է սկսվել Ստեփանակերտում։
Ադրբեջանի պաշտպանության նախարարությունը հայտնել է, որ տարածաշրջանում սկսվել են «տեղական հակաահաբեկչական միջոցառումներ»՝ Ադրբեջանի Հանրապետության սահմանադրական կարգն ապահովելու և վերականգնելու նպատակով։ Ձեռնարկված միջոցառումների մասին տեղեկացվել են ռուսական խաղաղապահ զորակազմի հրամանատարությունը և թուրք-ռուսական միացյալ մոնիտորինգի կենտրոնի ղեկավարությունը։ -0-
