ԱՄՆ-ն առաջարկել է ՀՀ և Ադրբեջանի ԱԳ նախարարներին հանդիպել Վաշինգտոնում. ՀՀ ԱԳՆ-ն մեկնաբանել է
ԵՐԵՎԱՆ, 18 ապրիլի. /ԱՌԿԱ/. Միացյալ Նահանգներն առաջարկել են Վաշինգտոնում անցկացնել Ղարաբաղյան կարգավորման շուրջ Հայաստանի և Ադրբեջանի ԱԳ նախարարների հերթական հանդիպումը, հայտնել է Ադրբեջանի արտաքին գործերի նախարար Էլմար Մամեդյարովը: Այդ մասին հայտնում է ՌԻԱ Նովոստին:
Ապրիլի 15-ին Մոսկվայում կայացել է Հայաստանի, Ռուսաստանի և Ադրբեջանի ԱԳ նախարարների եռակողմ հանդիպումը: Հանդիպման արդյունքներով ընդունվել է համատեղ հայտարարություն:
«Ադրբեջանի և Հայաստանի ԱԳ նախարարների վերջին հանդիպումը կայացել է Մոսկվայում` իմ ռուս գործընկերոջ Սերգեյ Լավրովի նախաձեռնությամբ: Երկու-երեք անգամ Ռուսաստանի հետ համատեղ ջանքերն ավելացման դեպքում հնարավոր կլինի հույս ունենալ հակամարտությունում առաջընթաց գրանցելու համար», - ասել է Մամեդյարովը Վարշավայում կայացած ճեպազրույցում:
Ըստ նրա, նախօրեին ԱՄՆ-ից հրավեր է ստացվել` այցելել Վաշինգտոն, որտեղ պետքարտուղարը նույնպես ջանք կգործադրի հակամարտության հանգուցալուցման գործում ճեղքման հասնելու համար:
«Նովոստի-Արմենիա» գործակալությունը դիմել է Հայաստանի ԱԳՆ մամուլի քարտուղար Աննա Նաղդալյանին` մեկնաբանություն ստանալու համար: Նա հայտնել է, որ առաջիկայում նախարարությունը հանդես կգա մեկնաբանությամբ:-0-
