Արայիկ Խանդոյանը առաջադրվեց Ծաղկահովիտի գյուղապետի պաշտոնում
19.08.2016,
18:35
«Սասնա ծռերի» անդամ Արայիկ Խանդոյանը քիչ առաջ առաջադրվեց Արագածոտնի մարզի Ծաղկահովիտ գյուղի գյուղապետի պաշտոնում, հայտնել է Արայիկ Խանդոյանի փաստաբան Արայիկ Պապիկյանը:
ԵՐԵՎԱՆ, 19 օգոստոսի. /ԱՌԿԱ/. «Սասնա ծռերի» անդամ Արայիկ Խանդոյանը քիչ առաջ առաջադրվեց Արագածոտնի մարզի Ծաղկահովիտ գյուղի գյուղապետի պաշտոնում, հայտնել է Արայիկ Խանդոյանի փաստաբան Արայիկ Պապիկյանը:
«Քիչ առաջ անհրաժեշտ բոլոր փաստաթղթերը, փաթեթը ներկայացվել է մարզային ընտրական հանձնաժողովին»,- ասել է փաստաբանը, հաղորդում է tert.am-ը։
Ծաղկահովիտ գյուղում առաջադրվել են նաև գործող ՀՀԿ-ական գյուղապետ Երվանդ Խաչատրյանը, որին սատարում է ՀՀԿ-ն, անկուսակցական Նորիկ Հակոբյանը, ԲՀԿ-ից՝ Աշոտ Հակոբյանը, ով ավելի վաղ հայտարարել է, որ կհանի իր թեկնածությունը, եթե Խանդոյանն առաջադրվի: –0–
