Աստանայում առանձնազրույց են ունեցել Հայաստանի և Բելառուսի վարչապետերը
14.08.2017,
11:55
Քննարկվել են հայ-բելառուսական տնտեսական հարաբերությունների հետագա զարգացման հեռանկարները։ :
ԵՐԵՎԱՆ, 14 օգոստոսի. /ԱՌԿԱ/. Վարչապետ Կարեն Կարապետյանը Ղազախստան կատարած աշխատանքային այցի շրջանակում Աստանայում առանձնազրույց է ունեցել Բելառուսի Հանրապետության վարչապետ Անդրեյ Կոբյակովի հետ:
ՀՀ կառավարության մամուլի հաղորդագրության համաձայն, երկու երկրների կառավարությունների ղեկավարները քննարկել են հայ-բելառուսական տնտեսական հարաբերությունների օրակարգը և հետագա զարգացման հեռանկարները: Անդրադարձ է կատարվել Եվրասիական տնտեսական միության շրջանակում փոխգործակցությանը վերաբերող մի շարք հարցերի:
Վարչապետ Կարեն Կարապետյանն Աստանայում է գտնվում Եվրասիական միջկառավարական խորհրդի նիստին մասնակցելու նպատակով:-0-
