ՀՀԿ–ն խորհրդարանական արտահերթ ընտրություններ անցկացնելու հիմքեր չի տեսնում. թերթ
25.09.2018,
12:15
ԱԺ ՀՀԿ խմբակցության ղեկավար Վահրամ Բաղդասարյանը նոյեմբերին խորհրդարանական արտահերթ ընտրություններ անցկացնելու հիմքեր չի տեսնում։
ԵՐԵՎԱՆ, 25 սեպտեմբերի. /ԱՌԿԱ/. ԱԺ ՀՀԿ խմբակցության ղեկավար Վահրամ Բաղդասարյանը նոյեմբերին խորհրդարանական արտահերթ ընտրություններ անցկացնելու հիմքեր չի տեսնում։
«Ինչ վերաբերում է արտահերթ խորհրդարանական ընտրությունների հարցի շուրջ վարչապետ Նիկոլ Փաշինյանի հետ անցկացվող բանակցություններին, Բաղդասարյանը մեզ հետ զրույցում շեշտեց, որ իրենք երբեք չեն խուսափում բանակցություններից», – գրում է «Ժամանակ» օրաթերթը։ «Մենք պատրաստ ենք Ընտրական օրենսգրքի (որի հարցը դեռ չենք ավարտել) շրջանակում բանակցել, բայց առայժմ նման առաջարկ չենք ստացել։ Առաջարկը ստանալուց հետո կմտածենք», – ասել է Բաղդասարյանը։–0–
