ՀՀ նախագահ Սերժ Սարգսյանը մինչև 2018 թ.-ի ապրիլը կպահպանի իր բոլոր լիազորությունները

ԵՐԵՎԱՆ, 1 նոյեմբերի. /ԱՌԿԱ/. ՀՀ նախագահ Սերժ Սարգսյանը մինչև 2018 թ.-ի ապրիլը կպահպանի իր բոլոր լիազորությունները, երեքշաբթի ԱԺ-ում լրագրողներին ասաց նախագահի աշխատակազմի ղեկավար Արմեն Գևորգյանը:

2015 թ.-ի դեկտեմբերի 6-ի հանրաքվեի ժամանակ ընդունված բարեփոխված Սահմանադրության նախագծի համաձայն, Հայաստանն ամբողջությամբ կանցնի խորհրդարանական իշխանավարման համակարգի, իսկ նախագահի լիազորությունները կկրճատվեն։

Առաջին խորհրդարանական ընտրությունները սահմանադրական բարեփոխումներից հետո կկայանան 2017 թ.-ի գարնանը:

«Չնայած, որ նոր Սահմանադրությամբ խորհրդարանական ընտրությունները տեղի կունենան 2017 թ.-ին, Հայաստանի նախագահը կպահպանի իր բոլոր լիազորությունները մինչև իր ժամկետի ավարտը` 2018 թ.-ի ապրիլը, հաշտվեք այդ մտքի հետ», - ասաց Գևորգյանը:

Ընդ որում, նա նշեց, որ իշխանավարման ձևի փոփոխությունն այս պահին չի ազդի ոչ՛  նախագահի գործունեության, ո՛չ էլ 2017 թ.-ին նախագահի աշխատակազմի ֆինանսավորման վրա: -0-

Ծանոթացեք լուրերին առաջինն ու քննարկեք դրանք մեր Telegram-ում

12:53 01.11.2016