ՀՀ վարչապետի պաշտոնակատարը նշեց արտահերթ ընտրությունների ամսաթիվը
01.11.2018,
13:01
Փաշինյանը նշեց արտահերթ ընտրությունների ամսաթիվը։
ԵՐԵՎԱՆ, 1 նոյեմբերի. /ԱՌԿԱ/. Արտահերթ խորհրդարանական ընտրությունները կանցկացվեն դեկտեմբերի 9–ին, հինգշաբթի լրագրողներին ասաց ՀՀ վարչապետի պաշտոնակատար Նիկոլ Փաշինյանը։
«Արտահերթ խորհրդարանական ընտրությունների անցկացման ժամկետները կհայտարարվեն նախագահի կողմից համապատասխան հրամանագրի ստորագրումից հետո։ Նախնական պայմանավորվածությամբ, ընտրությունները կանցկացվեն դեկտեմբերի 9–ին», – ասաց Փաշինյանն` ավելացնելով, որ ամենայն հավանականությամբ նախագահն այսօր կստորագրի համապատասխան հրամանագիրը։–0–
