Հակառակորդը գիշերը կրակ է արձակել սահմանի արևելյան և հյուսիսային ուղղություններով
12.07.2016,
10:24
Հուլիսի 11-ի լույս 12-ի գիշերը ղարաբաղա-ադրբեջանական հակամարտ զորքերի շփման գծում հիմնականում պահպանվել է հարաբերական հանգիստ իրադրություն, բացառությամբ արևելյան և հյուսիսային ուղղությունների:
ԵՐԵՎԱՆ, 12 հուլիսի. /ԱՌԿԱ/. Հուլիսի 11-ի լույս 12-ի գիշերը ղարաբաղա-ադրբեջանական հակամարտ զորքերի շփման գծում հիմնականում պահպանվել է հարաբերական հանգիստ իրադրություն, բացառությամբ արևելյան և հյուսիսային ուղղությունների, հաղորդում է ԼՂՀ ՊՆ մամուլի ծառայությունը:
«Նշված հատվածներում հակառակորդը հրադադարի ռեժիմը խախտել է հրաձգային զինատեսակներից` արձակելով անկանոն բնույթի կրակոցներ», - նշվում է հաղորդագրության մեջ:
Գերատեսչությունից նշել են, որ ՊԲ առաջապահ զորամասերը ձեռնպահ են մնացել պատասխան գործողություններից և շարունակել վստահորեն իրականացնել իրենց առջև դրված մարտական խնդիրը: -0-
