Հայաստանի և Ադրբեջանի ԱԳ նախարարները կհանդիպեն Բրյուսելում
09.07.2018,
12:07
Բրյուսելում հուլիսի 11–ին կկայանա Հայաստանի և Ադրբեջանի ԱԳ նախարարներ Զոհրաբ Մնացականյանի ու Էլմար Մամեդյարովի հանդիպումը։
ԵՐԵՎԱՆ, 9 հուլիսի./ԱՌԿԱ/. Բրյուսելում հուլիսի 11–ին կկայանա Հայաստանի և Ադրբեջանի ԱԳ նախարարներ Զոհրաբ Մնացականյանի ու Էլմար Մամեդյարովի հանդիպումը։
Այս մասին նշվում է ՀՀ ԱԳՆ–ի Twitter–յան միկրոբլոգում։
«ԵԱՀԿ Մինսկի խմբի համանախագահների նախաձեռնությամբ հուլիսի 11-ին Բրյուսելում կայանալու է Հայաստանի ԱԳ նախարար Զոհրաբ Մնացականյանի և Ադրբեջանի ԱԳ նախարար Էլմար Մամեդյարովի հանդիպումը», – նշվում է հաղորդագրության մեջ։
Նշենք, որ այս հանդիպումը Հայաստանի և Ադրբեջանի արտգործնախարարների առաջին հանդիպումն է ԱԳ նախարարի պաշտոնում Զոհրաբ Մնացականյանի նշանակումից հետո:–0–
