Փաշինյանն ՀՀ առաջին նախագահի հետ արտաքին քաղաքականությանը և Արցախյան հիմնախնդրին վերաբերող հարցեր է քննարկել
17.07.2018,
16:03
Կառավարական առանձնատանը տեղի է ունեցել ՀՀ վարչապետ Նիկոլ Փաշինյանի և առաջին նախագահ Լևոն Տեր-Պետրոսյանի հանդիպումը։
ԵՐԵՎԱՆ, 17 հուլիսի./ԱՌԿԱ/. Երեկ՝ հուլիսի 16-ին, կառավարական առանձնատանը տեղի է ունեցել ՀՀ վարչապետ Նիկոլ Փաշինյանի և առաջին նախագահ Լևոն Տեր-Պետրոսյանի հանդիպումը, նշվում է կառավարության Facebook-յան պաշտոնական էջում։
«Առաջին նախագահն իր տեսակետներն է հայտնել Հայաստանի առջև ծառացած մի շարք մարտահրավերների հաղթահարման ուղիների վերաբերյալ: Քննարկվել են արտաքին քաղաքականությանը և Արցախյան հիմնախնդրին վերաբերող հարցեր: Հանդիպումը տեղի է ունեցել Լևոն Տեր-Պետրոսյանի նախաձեռնությամբ», – նշվում է հաղորդագրության մեջ։–0–
