Պեսկով. ՌԴ–ն չի անհանգստանում ՀԱՊԿ–ի նոր գլխավոր քարտուղարի նշանակման հետաձգման պատճառով
ԵՐԵՎԱՆ, 22 փետրվարի./ԱՌԿԱ/. Ռուսաստանն ու ՀԱՊԿ անդամ այլ երկրները որևէ անհանգստություն չունեն 2018թ.–ի նոյեմբերին ՀԱՊԿ գլխավոր քարտուղարի պաշտոնում Հայաստանի ներկայացուցչի փոխարեն այդ պաշտոնում նոր նշանակման հետաձգման պատճառով։ Այս մասին, ինչպես հաղորդում է ՏԱՍՍ–ը, լրագրողներին հայտարարել է ՌԴ նախագահի մամուլի քարտուղար Դմիտրի Պեսկովը։
«Ո′չ Կրեմլում, ո′չ ՀԱՊԿ անդամ այլ երկրների շրջանում որևէ անհանգստություն չկա, ՀԱՊԿ–ի օպերատիվ կառավարման հարցում որևէ վակուում չկա, քանի որ այնտեղ աշխատում է գլխավոր քարտուղարի պաշտոնակատարը (ՌԴ ներկայացուցիչ Վալերի Սեմերիկովը, ՏԱՍՍ–ի խմբգր.), ով կկատարի իր պարտավորությունները մինչև նոր գլխավոր քարտուղարի հետ կապված իրավիճակը չպարզվի», – ասել է նա։
Միաժամանակ Պեսկովը նշել է, որ «կան որոշակի տարաձայնություններ ՀԱՊԿ անդամների շրջանում, որոնք հիմա կարգավորվում են, այդ գործընթացը շարունակվում է»։
«Սակայն դա չի նշանակում, որ կա օպերատիվ կառավարման որևէ դեֆիցիտ», – նշել է Պեսկովը։–0–
