Սամվել Բաբայանը մեկնաբանել է Արցախի նախագահական ընտրություններին մասնակցելու հարցը
ԵՐԵՎԱՆ, 19 ապրիլի. /ԱՌԿԱ/. Արցախի պաշտպանության նախկին նախարար, Արցախի հերոս Սամվել Բաբայանը հայտնեց, որ Արցախի 2020 թ.-ի նախագահական ընտրություններին իր մասնակցության մասին կհայտարարի միայն հանրության ներկայացուցիչների հետ հանդիպուց հետո:
«Կծանոթանամ նրանց դիրքորոշմանը, ինչից հետո կանցկացվի ստորագրահավաք, որի արդյունքներով պարզ կլինի` կմասնակցե՞մ, արդյոք, Արցախի նախագահական ընտրություներում», - նշեց Բաբայանը:
Նա նաև հայտարարեց, որ կարող է «օգտակար լինի իր ժողովրդին» և եկել է «օգնության ձեռք մեկնելու»:
Բաբայանը խոսեց նաև իր թեկնածության առաջադրման դեպքում հնարավոր խնդիրների մասին` կապված քաղաքացիության հետ: Նա հիշեցրեց, որ մասնակցել է Հայաստանի խորհրդարանական 2007 թ.-ի ընտրություններին, չնայած օրենքով չուներ դրա իրավունքը:
«Այդ ժամանակ հինգ տարի չէի ապրել երկրում, այսինքն պետք է արգելվեր իմ մասնակցությունն ընտրություններին : Մենք մեկ երկիր ենք, այդ իսկ պատճառով չպետք է ընտրովի վերաբերվենք օրենքին», - ասեց Բաբայանը:-0-
