ԶԼՄ-ները հայտնել են ՀՀ կառավարության ձևավորման նախնական ժամկետը
16.09.2016,
10:44
Կառավարությունում շարունակվում է անորոշությունը` ով կմնա, ով կգնա:
ԵՐԵՎԱՆ, 16 սեպտեմբերի. /Նովոստի-Արմենիա/. Կառավարությունում շարունակվում է անորոշությունը` ով կմնա, ով կգնա, գրում է «Հրապարակ» թերթը:
Պարբերականը հաղորդում է, որ չնայած Կարեն Կարապետյանն առանձնազրույց է ունեցել բոլոր նախարարների հետ, բայց ոչ մեկի հետագա պաշտոնավարման հարցը չի քննարկվել:
Պարբերականի տեղեկություններով, վարչապետի առաջնային խնդիրը նիստերին նոր տեմպ, նոր ոճ հաղորդելն է, ինչը հաջողվեց մեկնարկային նիստում:
«Հաջորդիվ կանցնեն կադրային փոփոխություններին, սակայն նախարարների հրամանները կլինեն սեպտեմբերի 21-ից հետո: Անկախության տոնը կնշեն, հետո նոր կսկսվեն կաբինետի ձևավորման աշխատանքները», - նշվում է հոդվածում: -0-