Երևանը Եվրոպայի հրապարակ կունենա. Ավագանին որոշում է կայացրել
19.03.2019,
17:21
Երևանը Եվրոպայի հրապարակ կունենա. Ավագանին որոշում է կայացրել:
ԵՐԵՎԱՆ, 19 մարտի. /ԱՌԿԱ/. Եվրոպայի խորհրդի հիմնադրման 70-ամյակի կապակցությամբ Հյուսիսային պողոտայի հրապարակը կանվանակոչվի Եվրոպայի հրապարակ: Այդ մասին որոշումն ընդունվել է Երևանի ավագանու այսօրվա նիստում:
Հյուսիսային պողոտայի հրապարակը Եվրոպայի հրապարակ անվանակոչելու որոշումը ավագանին ընդունեց 42 կողմ, 0 դեմ, 2 ձեռնպահ ձայներով:
Հրապարակի բացումը տեղի կունենա հաջորդ շաբաթ, երբ կկայանա Եվրոպայի խորհրդի խորհրդարանական վեհաժողովի (ԵԽԽՎ) նախագահի այցը Հայաստան:
Հիշեցնենք, որ հրապարակի անվանակոչման առաջարկով հանդես էին եկել ՀՀ արտաքին գործերի նախարարությունը և Եվրոպայի խորհրդում Հայաստանի մշտական ներկայացուցիչ, դեսպան Պ. Հովհաննիսյանը:-0-
