Հայտնի են Հայաստանի և Ադրբեջանի ԱԳ նախարարների հանդիպման վայրը ու ամսաթիվը
11.04.2019,
12:59
ՀՀ ԱԳՆ մամուլի խոսնակ Աննա Նաղդալյանը «Նովոստի-Արմենիա» գործակալության հետ զրույցում հայտնեց հանդիպման վայրը և ամսաթիվը:
ԵՐԵՎԱՆ, 11 ապրիլի. /ԱՌԿԱ/. Հայաստանի և Ադրբեջանի արտաքին գործերի նախարարների հանդիպումը կկայանա ապրիլի 15-ին Մոսկվայում: Այս մասին «Նովոստի-Արմենիա» գործակալության հետ զրույցում հայտնեց ՀՀ ԱԳՆ մամուլի խոսնակ Աննա Նաղդալյանը:
«Հայաստանի և Ադրբեջանի ԱԳ նախարարների հանդիպումը տեղի է ունենալու ապրիլի 15-ին՝ Մոսկվայում: Այս անգամ հանդիպմանը ներկա կգտնվի նաև ՌԴ ԱԳ նախարար Սերգեյ Լավրովը՝ որպես ԵԱՀԿ Մինսկի խմբի համանախագահող երկրի ԱԳ նախարար»,- ասաց նա:-0-
